Heydər Əliyev Park kompleksində təşkil edilən tədbir  "Zəfər Tağının" önündə Azərbaycan Silahlı Qüvvələrin arsenalına daxil olan hərbi texnikalar, zirehli maşınlar və müxtəlif silahlar olan sərgi ilə başlayıb. Burada ordumuzun arsenalına daxil olan zirehli maşınlar, iri hərbi texnika, həmçinin qumbara, mina atanlar, pilotsuz uçuş aparatları nümayiş etdirilib. Həmçinin hərbiçilərin geyimləri, gündəlik qidalarını əks etdirən stendlər quraşdırılıb. Tədbirdə hərbçilər, rəsmi şəxslər, Gəncə Tibb Kollecinin rəhbərliyi, həkim-müəllim və bir qrup tələbə heyəti, ictimaiyyət nümayəndələri və şəhər sakinləri iştirak ediblər.

   Tədbir iştirakçıları öncə Şəhidlər Xiyabanını ziyarət ediblər. Daha sonra N saylı hərbi hissədə İdarəetmə Məntəqəsi ilə tanış  olublar.

  Sonda konsert proqramı və atəşfəşanlıq olmuşdur.

Qeyd edək ki, Ulu öndər Heydər Əliyevin 22 may 1998-ci il tarixli fərmanına əsasən, Əlahiddə Azərbaycan Korpusunun yarandığı gün – 26 İyun Azərbaycan Respublikasının Silahlı Qüvvələr Günü elan olunub və hər il bu tarix rəsmi dövlət bayramı kimi qeyd edilir.