Gəncədə 27 sentyabr Anım Günündə Vətən müharibəsi şəhidlərinin xatirəsi yad edilib. Anım tədbiri Gəncə Şəhidlər xiyabanında baş tutub. Anım mərasimində Müdafiə Nazirinin müavini, Quru Qoşunları komandanı, general-mayor Ənvər Əfəndiyev, Gəncə Şəhər İcra Hakimiyyətinin başçısı Niyazi Bayramov, hüquq-mühafizə orqanlarının rəhbərləri, Gəncə Tibb Kollecinin kollektivi, qazilər, şəhid ailələri və ictimaiyyət nümayəndələri iştirak ediblər.

   Hərbi orkestrin ifasında Azərbaycan Respublikasının Dövlət Himni səsləndirilib. 44 günlük Vətən müharibəsi zamanı şəhid olanların ruhuna dualar oxunub. Şəhidlərin xatirəsi 1 dəqiqəlik sükutla yad edilib.

  Anım mərasiminə qatılan Gəncə Tibb Kollecinin rəhbərliyi,  həkim-müəllim və tələbə kollektivi şəhidləri ziyarət edib, qəbirləri üzərinə gül dəstələri qoyublar.