Azərbaycan Respublikası Səhiyyə Nazirliyi Gəncə Tibb Kollecinin rəsmi saytının dizayn və quruluşu yenilənərək istifadəyə verilib. Kollecin direktoru, əməkdar həkim Mehman Rzayevin sözlərinə görə, təhsil müəssisəsinin ilk rəsmi saytı hələ 2019-cu ildə yaradılmışdı:

   “O zamanın tələblərinə cavab verən rəsmi internet resursumuz fəaliyyət göstərirdi. Lakin illər keçdikcə daha müasir və yeniliklərlə ayaqlaşa biləcək sayta ehtiyac yarandığından kollecin rəsmi səhifəsini yenilədik. Bir çox funksiyalar yenidən əlavə olunub. Saytımız daha müasir proqram təminatı ilə hazırlanıb və artıq 3 dildə fəaliyyət göstərir. Bundan başqa saytımızın strukturu və dizaynı yenilənib, yeni funksiyalar əlavə olunub.

   M.Rzayev əlavə edib ki, saytın yenilənməsi nəticəsində kollecin elektron kitabxanasında olan kitabların sayı da artırılıb. Belə ki, əvvəllər elektron bazada 51 kitab yerləşdirilmişdisə də, hazırda 30 kitab artırılaraq sayı 81-ə çatdırılıb:

   “Elektron kitabxananın zənginləşdirilməsi, yeni kitabların da əlavə olunması tələbələrimizin lazım olan dərs vəsaitlərinə əlçatanlığının artırılmasına xidmət edir. Hesab edirik ki, bu tələbələrə dərslərə və imtahanlara yüksək səviyyədə hazırlaşmalarına dəstək olacaq” deyə kollecin direktoru əlavə edib.

 Qeyd edək ki, yenilənən sayta bu linkin köməkliyi ilə daxil olmaq olar : https://www.gtk.az