Gəncə Tibb Kollecinin tələbə könüllüləri sentyabrın 29-da “V1-Challenge 2019 Gəncə” idman avtomobillərinin yarışı və şousunda iştirak ediblər. Tələbə Gənclər Təşkilatının məlumatına görə yarışma Azərbaycan Avtomobil Federasiyasının (AAF) təşkilatçılığı və “Regional İnkişaf” İctimai Birliyinin dəstəyi ilə keçirilib. Heydər Əliyev Park Kompleksi ərazisində 20 mindən çox tamaşaçının izlədiyi yarış həyəcan dolu anlarla, maraqlı tryuklarla yadda qalıb.  “V1 Challange Gəncə” yarışına “Volkicar”lar, kartinq və drift avtomobilləri, sportkarlar qatılıb. Tədbirdə tanınmış pilotlar – “Drift GP International” promouteri Neyl Qan, drift üzrə Almaniya çempionu Sebastian Fonteyn, “Drift All Stars European Series” yarışlarının qalibi Martin Riçards, “Drift GP International” yarışlarının texniki direktoru Antanas Kiquolis, eləcə də yerli drift və “Volkicar” pilotları çıxış ediblər.