Gəncə Tibb Kollecinin "Eyforia" komandası 07 – 09 dekabr tarixlərində Gəncə Gənclər Evində keçirilən "İnvestisiya layihələrində ekoloji standartlar iqtisadi göstəricilərdən üstün tutulmalıdır" mövzüsunda keçirilən " Gəncə Gənclər Debat Forumu: Payız 2019” yarışmasında kolleclər arasında qalib olub.

Gəncə Gənclər Evinin, Gəncə şəhər Gənclər və İdman Baş İdarəsinin,Vətəndaş Cəmiyyəti Debat İctimai Birliyinin və  Gəncə Regional Debat Mərkəzinin birgə təşkilatçılığı ilə təşkil olunan forumda 150-ə yaxın debatçı mübarizə aparırdı. Kolleclər və univetsitetlərin "Debat Klub"larının komandaları iştirak etdiyi forumun final mərhələsində Universitetlər arasında Azərbaycan Dövlət  Aqrar Universitetinin  "Pera " və Gəncə Dövlət Universitetinin "Katarsis " komandası qarşılaşıb. Maraqlı keçən yarışmanın qalibi isə “Katarsis” komandası olub. Kolleclər arasında isə final mərhəsində Gəncə Tibb Kollecinin "Eyforia" və Musiqi Kollecinin "Alfa" komandası öz güclərini sınayıblar və Gəncə Tibb Kollecinin tələbələri biriniciliyi qazanıblar.

Təşkilatçıların təsisi etdiyi formun ən yaxşı natiqi nominasiyasına isə Universitetlər arasında Azərbaycan Dövlət Aqrar Universitetinin üzvü Peykər İbrahimova , Kolleclər arasında isə Gəncə Tibb Kollecinin üzvü Aygün Allahverdiyeva layiq görülmüşdür.

Forumun sonunda qalib gələn bütün debatçılar təltif edilib. Qeyd edək ki, "Respublika Gənclər Debat Forumu: Payız 2019” layihəsi Azərbaycan Respublikası Gənclər və İdman Nazirliyi (The Ministry of Youth and Sport of the Republic of Azerbaijan) və “Vətəndaş Cəmiyyətində Debat” İctimai Birliyinin (DVC) birgə təşkilatçılığı ilə Milli Debat Proqramı çərçivəsində keçirilir.