Dekabrın 6-da Azərbaycan Respublikasının Birinci vitse-prezidenti Mehriban xanım Əliyevanın “Bir gündə 650 min ağac əkək” təşəbbüsünə qoşulan Şəmkir ictimaiyyəti rayonin Dəllər Cəyir-Dəllər magistral yolunun sağ tərəfindəki 6 hektarlıq bir sahəyə ağac əkmək üçün toplaşmışıb.

Rayon ziyalılarının, müxtəlif təşkilat nümayəndələrinin, eləcə də gənclərin iştirakı ilə keçirilən ağacəkmə kampaniyası mütəşəkkilliklə keçirilib. Bu xeyirxah aksiyaya qoşulan könüllülər arasında Gəncə Tibb Kollecinin aktiv tələbələri də olub.

Aksiya başlamazdan əvvəl Şəmkir rayon icra hakimiyyətinin məsul işçisi Kənan İbrahimov ölkə Prezidentinin mütəfəkkir şair İmadəddin Nəsiminin 650 illik yubileyinin keçirilməsi haqqında sərəncamını  oxudu. Nəsiminin şeirlərinə həsr olunmuş musiqi parçaları səsləndirildi. Rayon icra hakimiyyətinin başçısı Alimpaşa Məmmədov bir qrup könüllüyə fəxri fərmanlar təqdim etdi. Tədbirin sonunda gənclər dövrə vurub yallı getdilər.