Gəncə  Tibb Kollecinin   rəhbərliyi, 31 Dekabr - Dünya Azərbaycanlılarının Həmrəylik Günü və Yeni il münasibətilə keçirilən ümumşəhər tədbirində iştirak edib əkim-müəllim heyəti, tələbələri Gəncədə lər. Dekabrın 30-da təşkil olunan bayram şənliyində Gəncə Şəhər İcra Hakimiyyətinin başçısı Niyazi Bayramov, Millət vəkilləri Naqif Həmzəyev və Pərvin Kərimzadə, Türkiyənin Gəncədəki Baş konsulu Zeki Öztürk, idarə müəssisə rəhbərləri, şəhər ictimaiyyəti, sakinlər və şəhərin qonaqları iştirak ediblər. Gəncə Şəhər İcra Hakimiyyətinin başçısı Niyazi Bayramov şəhərin baş meydanında qurulan yeni il şəhərciyini gəzib, burada sakinlər və şəhərə gələn qonaqlar üçün yaradılan şəraitlə tanış olub.

Bayram şənliyində çıxışlarda qeyd olunub ki, qədim Gəncə torpağında 31 Dekabr – Dünya Azərbaycanlılarının Həmrəylik Günü və Yeni il böyük həvəs və sevinclə qeyd olunur. Xalqımızın Ümummilli lideri, Ulu öndər Heydər Əliyevin siyasi uzaqgörənliyinin nəticəsidir ki, həm Azərbaycanda, həm də ölkə hüdudlarından kənarda yaşayan soydaşlarımız bu bayramı iftixar və qürurla qarşılayırlar. Həmçinin o da vurğulanıb ki, 30 dekabr tarixinin Gəncə və gəncəlilər üçün xüsusi önəmi var. Belə ki, 1989-cu ilin məhz bu günü Azərbaycan xalqının tarixində önəmli yeri olan, günü-gündən gözəlləşən ulu Gəncənin əzəli və əbədi adı özünə qaytarılıb.

Tədbirdə dünyanın və ölkənin idman arenalarında müxtəlif nəaliyyətlər əldə edən idmançılar Gəncə şəhərinin ictimai həyatında fəal iştirakı və 2019-cu ildə idman sahəsində qazandıqları uğurlara görə 31 Dekabr – Dünya Azərbaycanlılarının Həmrəylik Günü və Yeni il münasibətilə Gəncə Şəhər İcra Hakimiyyəti başçısının “Fəxri fərmanı” ilə təltif olunublar.

Çıxışlardan sonra söz musiqiyə verilib və Gəncə Regional Mədəniyyət İdarəsi tərəfindən təşkil konsert proqramı izlənilib. Xalq artisti Şahnaz Həşimovanın, Əməkdar artist Kəmalə Tağızadənin, “Göygol” Dövlət Mahnı və Rəqs ansamblının üzvlərinin, habelə Gəncə Dövlət Filarmoniyasının solistləri Rövşən Məmmədov, Vasif Bayramov, İlham Qasımov və digərlərinin çıxışları alqışlarla qarşılanıb.

Gəncə Dövlət Kukla Teartının kollektivi tərəfindən bayram əhval-ruhiyyəli səhnəciklər təqdim edilib. Cizgi film və müxtəlif nağıl qəhrəmanlarının çıxışları uşaqların marağına səbəb olub.