Səhiyyə Nazirliyi Gəncə Tibb Kollecində 1 Dekabr - Ümumdünya QİÇS-lə Mübarizə Gününə həsr olunan “QİÇS-ə birlikdə YOX deyək” adlı konfrans  keçirilib.

     Regional İnkişaf İctimai Birliyi, Səhiyyə Nazirliyi Respublika QİÇS-lə Mübarizə Mərkəzi və Səhiyyə Nazirliyi Gəncə Tibb Kollecinin birgə təşkilatçılığı ilə keçirilən tədbirdə qeyd olunub ki, bu gün dünyada, QİÇS (əldə edilmiş immun çatışmazlığı sindromu) milyonlarla insanın həyatına təsir edən əhəmiyyətli bir qlobal sağlamlıq problemi olaraq qalır. QİÇS, xəstəliklər və infeksiyalardan təsirli şəkildə müdafiə edə bilməyən insan immuniteti çatışmazlığı virusu (HİV) təsirsiz hala gətirən və zəiflədir. Bununla birlikdə, QİÇS yalnız bir xəstəlik deyil; Həm xəstələrə, həm də onların icmalarına təsir edən geniş miqyaslı sosial və psixoloji təsirlər gətirir.

   Çıxış edən natiqlər bildiriblər ki, İİV/QİÇS-ə qarşı aparılan mübarizə tədbirlərinə baxmayaraq, onun dünyada, xüsusən də Şərqi Avropa və Mərkəzi Asiya regionunda yayılması davam etməkdədir. Azərbaycanda həmin infeksiya əsasən yoluxmaya yüksək risk qrupu təşkil edən şəxslər arasında yayılıb. Ölkəmiz Şərqi Avropa və Mərkəzi Asiya regionunda xəstəliyin yayılma göstəricilərinə görə aşağı olan ölkələrdəndir.

   Konfransda o da vurğulandı ki, QİÇS kimi təhlükəli virusla mübarizə üçün insanların maarifləndirilməsi ən önəmli faktorlardan biridir.

   Çıxışlardan sonra QİÇS-lə bağlı video çarx nümayiş olundu. Sonda tələbələrə maarifləndirici bukletlər paylanılıb.