Aprelin 8-də  2000-dən artıq yerli səhiyyə işçisinin COVID-19 pandemiyasına qarşı profilaktik və cavab tədbirlər üzrə potensialının artırılması üçün həyata keçirilən PROACT Təlim Proqramı çərçivəsində UNICEF-in Azərbaycan bürosunun sədr müavini  Min Yuan  Gəncə Tibb Kollecini ziyarət etmişdir.

Proact Təlim Proqramı  tədbirləri çərçivəsində Azərbaycanda  12 təlim mərkəzləri açılıb. Onlardan biri də Gəncə şəhəri  Gəncə Tibb Kollecində fəaliyyətə başlayib. Təlimlər  təlimçi həkim-koordinatorlar tərəfindən may ayının sonuna qədər davam edəcək. Təlimlərə həkim və orta tibb bacıları cəlb olunub.  

UNICEF-in Azərbaycandakı nümayəndəliyindən bildirilib ki, USAID tərəfindən maliyyələşdirilən, Ümumdünya Səhiyyə Təşkilatının (ÜST) texniki dəstəyi və TƏBİB ilə birgə həyata keçirilən proqramın məqsədi infeksiyaların profilaktikası və onlara qarşı mübarizə; COVID-19 xəstəlik hallarının fərdi idarə olunması; əsas reanimatoloji tədbirlər; geniş reanimatoloji tədbirlər; xəstəxanaların fövqəladə hallara hazırlığı; tibbi nəzarət; fəal kütləvi müayinə (skrininq); testləşdirmə; təmas qrupların epidemioloji izlənilməsi; risklər haqqında məlumatlandırma kimi mövzularda məlumatlılığın artırılmasıdır.

Bu proqram UNICEF-in, İcbari Tibbi Sığorta üzrə Dövlət Agentliyinin və Səhiyyə Nazirliyinin sıx tərəfdaşlığı üzərində qurulub.
 
İlk təlimçilər üçün təlimə (TÜT) ötən ilin dekabrında start verilib. Layihə çərçivəsində 12 rayon təlim mərkəzlərində təlimin həyata keçirilməsi və 24 milli mütəxəssis təlimçinin cəlb edilməsi nəzərdə tutulmuşdur. Lakin hal hazirda bu təlim mərkəzlərində 38 təlimçi fəaliyyət göstərir. Artiq bu ğünə kimi 1,600 dən çox tibb işçisi təlimlərdə iştrak etmiş və gündəlik işlərində yeni bilik və bacarıqlarını həyata keçirirlər. Iştrakçı sayı isə 2,000 dən artiqdır.