Yeni Azərbaycan Partiyası Gəncə şəhər Təşkilatının təşşəbbüsü ilə Gəncədə Fəaliyyət göstərən Ali və orta ixtisas məktəbləri arasında keçirilən, Ümummilli Lider Heydər Əliyevin 98- illiyinə həsr olunan bilik və idman yarışının qalib komandaları mükafatlandırılıb. Mərasimdə Gəncəni təmsil edən millət vəkilləri, və ziyalılar iştirak ediblər. Azərbaycan Dövlət Aqrar Universiteti, Gəncə Dövlət Universiteti, Azərbaycan Texnalogiya Universiteti, Gəncə Regional Kolleci  və Gəncə Tibb Kollecinin komandalarının iştirakı ilə keçirilən yarışlara, “Heydər Əliyev irsini öyrənirik” adlı intelektual bilik yarışı ilə start verilib. Daha sonra komandalar öz güclərini şahmat və stolüstü tenis yarışlarında sınayıblar. Turnirin ilk mübarizəsi olan bilik yarışından Gəncə Dövlət Universitetinin komandası qalib ayrılıb. Gəncə Tibb Kollecinin komandası isə 2-ci yerə layiq görülmüşdür. İkinci təşkil olunan şahmat yarışının qalibləri də Gəncə Dövlət Universiteti ilə Gəncə Tibb Kollecinin komandaları olmuşdur.  Sonuncu mübarizənin, stolüstü tennis yarışınında qalibi dəyişməz qalıb. Hər üç yarışın qaliblərinə mükafatları, yarışın təşkilatçısı olan YAP Gəncə şəhər Təşkilatının sədri, millət vəkili Naqif Həmzəyev və tədbirdə iştirak edən digər rəsmilər təqdim ediblər. Qeyd edək ki, Yeni Azərbaycan Partiyası Gəncə şəhər Təşkilatı, Ümummilli Lider Heydər Əliyevin 98- illiyi ilə əlaqədar silsilə tədbirlər təşkil edir.