Şəhərin müxtəlif küçə və prospektlərində quraşdırılan monitorda Birinci Qarabağ və Vətən müharibəsində şəhid olanlar haqqında məlumatların yer aldığı video-slayd nümayiş olunub. Şəhidlər xiyabanında yerləşən Əbədi Məşəl abidəsinin önünə güllərdən hazırlanmış “Dəmir yumruq” və “Xarı bülbül” kompozisiyalar qoyulub.  

Əvvəlcə mərasim iştirakçıları  şəhərin mərkəzində ucaldılan ümummilli lider Heydər Əliyevin abidəsini ziyarət edib, önünə tər güllər düzüblər.  Anım mərasimi iştirakçıları monitor vasitəsilə Müzəffər  Ali Baş Komandan, Prezident İlham Əliyevin xalqa müraciətini dinləyiblər.

Anım  Mərasimdə  Gəncə  Tibb  Kollecinin  direktoru  Mehman Rzayev basda olmaqla bir qrup müəllim və tələbə heyəti iştirak etmiş, xiyabanın girişində  "Azərbaycanın ərazi bütövlüyü uğrunda gedən döyüşlərdə itkin düşmüş şəxslərin xatirəsinə" inşa edilmiş və üzərində 100-ə yaxın şəxsin adı qeyd edilmiş lövhənin önünə gələrək onların əziz xatirəsini yad ediblər.

Mərasimdə çıxış edənlər Ali Baş Komandan, Prezident İlham Əliyevin rəhbərliyi altında 44 günlük Vətən müharibəsində şanlı tarix yazan oğullarımızla hər kəsin qürür duyduğunu, müstəqil Azərbaycan dövləti və xalqımız var olduqca şəhidlərimizin də qəlblərdə daim əbədi yaşayacağını vurğulayıblar.

Daha sonra Gəncə Tibb kollecinin kollektivi Vətən müharibəsi zamanı raket hücumu nəticəsində dağılmış mülki obyektləri ziyarət ediblər. Bu hadisələr nəticəsində dünyasını dəyişən mülki şəhidlərin xatirəsini yad ediblər,bombalanmış ərazilərə gül dəstələri düzüblər.

Eləcə də, Heydər Əliyev adına Park Kopmleksində  44 günlük Vətən müharibəsi zamanı canlarından keçən şəhidlərimizin əziz xatirsinə həsr olunmuş ağacəkmə aksiyasında Gəncə Tibb Kollecinin 10 nəfər işçi heyəti iştirak etmişdir. Aksiya çərçivəsində şəhərin iqlim şəraitinə uyğun olan 300-dən çox Eldar şamı və çinar ağacı əkilib.  

Şəhidlərimizin xatirəsini anmaq məqsədilə,gənclərin hazırladığı “Vətən var olsun!” devizi altında fleşmob nümayiş etdirilib. Fleşmobda Gəncə Tibb Kollecinin tələbələri də iştirak etmişlər.