Gəncədə Xocalı soyqırımının 30-cu ildönümü ilə əlaqədar ümumşəhər tədbiri keçirilib.

Xalqımız hər il olduğu kimi bu il də Xocalı soyqırımı qurbanlarının xatirəsini ehtiramla yad edir. Qeyd edək ki, Xocalı soyqırımının anım günü Azərbaycan xalqının birliyinin, milli təəssübkeşliyinin simvoluna çevrilib.

Artıq ikinci ildir ki, xalqımız Xocalı soyqırımı abidəsini alnıaçıq, başıuca ziyarət edir, çünki düşməndən bütün şəhidlərimiz kimi, Xocalı soyqırımı qurbanlarının da qisası alınıb. Prezident İlham Əliyevin dediyi kimi: “Biz onların cavabını döyüş meydanında verdik, bütün şəhidlərimizin qisasını aldıq, onların qanları yerdə qalmadı”

Tədbirdə Gəncə Tibb Kollecinin müəllim və tələbə heyəti iştirak edərək,  “Xocalı Soyqırımı” abidəsinin önünə gül dəstələri qoyub, soyqırım qurbanlarının xatirəsini bir dəqiqəlik sükutla yad edib, şəhidlərin ruhuna dualar oxuyublar.

Allah bütün şəhidlərimizə rəhmət eləsin!