29.04.2022-ci il tarixində Gəncə Tibb Kollecində hərbiləşdirilməmiş obyekt Mülki müdafiə qüvvələri ilə xəbərdarlıq və toplanış üzrə MM məşqi keçirilmişdir.

Mülki Müdafiə məşqinin keçirilməsinə Mülki müdafiə qüvvələri: rabitə və xəbərdarlıq manqası, ictimai asayişi mühafizə manqası, xilasetmə manqası, yanğınsöndürmə manqası, sanitar manqası ,rabitə xəbərdarlıq manqası ,kəşfiyyat manqası, FMV –nin paylanma manqası cəlb olunmuşdur.

Mülki Müdafiə məşqinin keçirilməsinin əsas məqsədi “Mülki Müdafiə” haqqında Azərbaycan Respublikası Qanunun tələblərinin yerinə yetirilməsi, obyekt qüvvələrinin Mülki müdafiə sənədlərinin, rəhbər sənədlərin tələblərinə uyğunluğunun, rabitə və xəbərdarlıq sisteminin vəziyyətinin, fövqəladə hadisələrdə qarşıda duran vəzifələrin yerinə yetirilməsi zamanı Mülki müdafiə qüvvələrinin xəbərdarlıq və toplanış üzrə hazırlığının yoxlanılması;

Fövqəladə hadisələrin nəticələrini aradan qaldırarkən qəza-xilasetmə və digər təxirəsalınmaz işlərin təşkili məqsədi ilə Mülki müdafiə qüvvələrinin xəbərdarlıq sxemi üzrə toplanış müddətinin müəyyənləşdirilməsidir.

Mülki müdafiə məşqi 29 aprel  2022-ci il tarixində kollecin  fövqəladə hallar komissiyanın sədri tərəfindən verilmiş həyacan siqnalı ilə saat 12.00-da xəbərdarlıq sxeminə uyğun olaraq, obyekt Mülki müdafiə qüvvələrinin komandir-rəis heyəti, rabitə və xəbərdarlıq manqası tərəfindən xəbərdar olunur. Mülki müdafiə qüvvələrinin şəxsi heyəti xəbərdarlıq siqnalı üzrə təyin olunmuş yerə, kollecin  çöl ərazisində toplanmasına nəzarət olunmuş və bu barədə komandir-rəis heyətin məruzəsi dinlənilmişdir.

Kollecin Fövqəladə Hallar komissiyasının sədri məşqin məqsədini və direktorun müvafiq əmrini məşq iştirakçılarına çatdırmışdır.

Məşqin keçirilmə planına uyğun olaraq, məşqin gedişi zamanı obyekt Mülki müdafiə qüvvələri ilə sıra baxışı keçirilmiş, şəxsi heyətin siyahısı, ştat üzrə təhkim olunmuş avadanlığın varlığı, işlək vəziyyətdə olması yoxlanılmış, istifadə qaydaları nümayiş etdirilmiş, fövqəladə hadisələr zamanı xilasetmə və digər təxirəsalınmaz işlər aparılması ardıcıllığı dəqiqləşdirilmiş, funksional vəzifələr dinlənilmişdir. Bundan əlavə, xilasetmə və digər təxirəsalınmaz işlərin aparılması zamanı təhlükəsizlik qaydalarına ciddi riayət olunması barədə məşq iştirakçılarına təlimat verilmiş,  Mülki müdafiə qüvvələrinin xəbərdarlıq sxemi üzrə toplanış müddəti müəyyənləşdirilmişdir.