Dünyanın 34 ölkəsindən minlərlə tələbəni birləşdirən Enactus proqramı Azərbaycan Respublikasının Gənclər Fondunun dəstəyi ilə ölkəmizdə həyata keçirilməkdədir.

“Enactus” beynəlxalq proqramını ölkəmizdə Azərbaycan Tələbə Gənclər Təkilatları İttifaqı təmsil edir və proqram sahibkarlıq fəaliyyətinin gücü ilə daha davamlı dünya yaratmaq üçün bu günün və sabahın liderlərini bir araya toplayır.Bu məqsədlə Enactus yenilikçi gənclərə nəzəri biliklərini təcrübədə tətbiq etməyə,biznes,təhsil və sosial layihələrini həyata keçirməyə şərait yaradır,onlar arasında azad sahibkarlığı təbliğ edir.Proqram çərçivəsində həm qlobal,həm də yerli səviyyədə həyata keçirilən tədbirlər BP,KPMG və PwC kimi nüfuzlu şirkətlərlə sıx əməkdaşlıq çərçivəsində icra olunur.”Enactus” proqramının tələbə yönümlü siyasətini nəzərə alaraq, hər il ölkəmizin ali və orta təhsil müaəssisələrini təmsil edən “Enactus” komandaları Dayanıqlı İnkişaf Məqsədləri çərçivəsində layihələr hazırlayaraq Milli Çempionat və Dünya Kuboku uğrunda  mübarizə aparırlar.

Ötən il ərzində region gənclərinin sosial sahibkarlıq fəaliyyətinin təşviqi məqsədilə keçirilən “Enactus Regionlarda” layihəsi çərçivəsində 200-dən çox gənc təlim və görüşlərə cəlb olunmuş, ənənəvi qaydada hər il keçirilən “Enactus Yaz Məktəbi” və “Enactus Mentorluq Proqramı” layihələrindən isə 21 fərqli ali və orta ixtisas təhsil müəssisəsində təhsil alan 800-dən çox gənc faydalanmışdır.