Səhiyyə Nazirliyi Gəncə Tibb Kollecində ingilis dili fənni üzrə “We are back!” - “Biz qayıtdıq” adlı açıq dərs keçirilib. Dərs Azərbaycan Respublikasının Dövlət Himninin səsləndirilməsi və ərazi bütövlüyümüz uğrunda canından keçən şəhidlərimizin xatirəsinin sükutu ilə başlayıb.

   İngilis dilində erməni qəsbkarları tərəfindən torpaqlarımızın işğal olunması və minlərlə soydaşımızın amansızcasına qətlə yetirilməsindən danışılıb. Qeyd edilib ki, 30 illik Vətən həsrətindən sonra tarixi ədaləti Ali baş komandanın rəhbərliyi ilə Şanlı Ordumuz bərpa edib,  əzəli və əbədi ata-baba torpaqlarımız mənfur düşmənin işğalından azad olunub. Dərsi aparan ingilis dili müəlliməsi Ramilə Həsənova çıxışını Prezident İlham Əliyevin söylədiyi fikirlərlə yekunlaşdırıb:

“Bəli biz artıq qayıtmışıq. Doğma Qarabağımızı dirçəldirik”.

     Daha sonra tələbələr ingilis dilində işğaldan azad olunan torpaqlarımızın azad olunma tarixləri və rayonlarımızın coğrafi xüsusiyyətlərini, Azərbaycan-Türkiyə qardaşlığı, Şuşa bəyannaməsi haqqında məlumatlar veriblər.

Sonda isə “Qarabağ Azərbaycandır” adlı video filmə tamaşa edilib.