Məlum olduğu kimi, Azərbaycan xalqının Ümummilli lideri Heydər Əliyev tərəfindən 1998 – ci il 18 iyun tarixində Azərbaycan Respublikasında ilk “İnsan hüquqları müdafiəsinə dair Dövlət Proqramı” təsdiq edilmiş və insan hüquqlarının təmin olunması müəyyən olunmuşdur.Bunu nəzərə alaraq ölkə Prezidenti cənab İlham Əliyevin 2007- ci il 18 iyun tarixli Sərəncamı ilə hər il iyunun 18-I Azərbaycan Respublikasında İnsan Hüquqları Günü kimi qeyd edilir.

Bununla əlaqədar Gəncə Tibb Kollecində  14 iyun 2022 – ci il tarixində “İnsan Hüquqları  Aylığı” çərçivəsində tədbir  keçirilmişdir.

Tədbirdə Gəncə Tibb Kollecinin direktoru, Əməkdar həkim Mehman Rzayev  tələbələri və müəllimləri salamlayaraq “İnsan Hüquqları Günü”nün yaranma tarixindən, bu sahədə görülmüş işlərdən söz açmışdır.

Tədbirdə tələbələrə  insan  hüquq  və  azadlıqları  barədə  məlumatlar  verilmiş,  Azərbaycanda  insan  hüquqları  barədə  qəbul  olunmuş  qanunlardan, bu  sahədə həyata keçirilən  tədbirlərdən  və  bu  tədbirlərin  nəticələrindən danışılıb.

Sonda  mövzu ətrafında videofilmlər nümayiş etdirilmiş, tələbələrlə diskusiya şəklində müzakirələr aparılmışdır.