29 – 30 noyabr tarixində Tovuz şəhərində “Tovuz-2022 Gənclər Paytaxtı” çərçivəsində “Tovuz -2022” Region Gənclərinin Forumu keçirilib.

Tədbirdə Gəncə Tibb Kollecinin Tələbə Gənclər Təşkilatının fəal tələbələri iştirak edirdilər.

Tədbirin əvvəlində  Vətən müharibəsi Şəhidlərinin əziz xatirəsi bir dəqiqəlik sükutla yad olunmuş, dövlət himni səsləndirilmişdir.

Forumda Tovuz rayon İcra Hakimiyyətinin başçısı Məmməd Məmmədov, gənclər və idman nazirinin müavini İndira Hacıyeva, Xarici İşlər Nazirliyinin nümayəndəsi Mahur Qasımov, Müdafiə Nazirliyinin nümayəndəsi Rüfət Məmmədov, Daxili İşlər Nazirliyinin nümayəndəsi Elxan Mürsəlov, İqtisadiyyat Nazirliyinin nümayəndəsi Orxan İbrahimov, Əmək və Əhalinin Sosial Müdafiəsi Nazirliyinin nümayəndəsi Rəşad Dayıyev və Dini Qurumlarla  İş üzrə Dövlət Komitəsinin nümayəndəsi Mahir Qəniyev çıxış etmişlər.

Forumun rəsmi hissəsindən sonra iştirakçıların rayon ərazisində yerləşən “Dövlət Rəmzləri Muzeyinə” və “Azərbaycan Aşıq Sənəti Dövlət Muzeyi”nə ekskursiyaları təşkil edilmişdir.

Forumun 2-ci günündə panel müzakirələrdə Vətən Müharibəsi qaziləri Ayar Abbasov, Orucəli Abbaszadə və Ramiz Mehdiyevin gənclərlə görüşü böyük coşqu ilə qarşılanıb. Onların keçdiyi şərəfli döyüş yolları barədə söhbətləri, vətənpərvərlik mövzusunda olan tövsiyələri iştirakçılarda böyük ruh yüksəkliyi yaradıb. İştirakçıların sualları cavablandırılmış, mövzu dialoq formasında davam etdirilmişdir.

Biznesdə uğur qazanmış startapçı gənclər - Səfiyyə Babazadə, Mirzəli Mirzəliyev və İlkin Hüseynov fəaliyyət göstərdikləri sahədə qazandıqları nailiyyətləri və praktiki biliklərini gənclərlə bölüşüb və iştirakçıları maraqlandıran sualları cavablandırmışlar.